ჩვენ შევქმენით პროექტი „ცოდნის მხიარული სამყარო“
რომლის დახმარებითაც ბავშვები სიმღერებით, ანიმაციებითა და ონლაინ-თამაშებით ისწავლიან ანბანს, რიცხვებს, ფერებს და მრავალ სხვ. იხილეთ პროექტის მთავარი ანიმაცია:
პირველად ბავშვები ანბანს ისწავლიან, რისთვისაც თითო გადაცემაში ანბანის 3 ასოზე შექმნილი სიმღერა და ანიმაცია იქნება წარმოდგენილი:
გადაცემა წამყვანს და ჩვენს გამოგონილ პერსონაჟებს ბეგო და ბეგის მიჰყავთ. (იხილეთ გადაცემა)
გადაცემის დასასრულს მხატვარი ზალიკო სულაკაური ბავშვებს გადაცემაში გამოყენებული ერთ-ერთი პერსონაჟის ხატვას ასწავლის. მშობლების მიერ გამოგზავნილი ბავშვების ნახატები კატეგორიში "გამოფენა" არის წარმოდგენილი . (იხილეთ გამოფენა)
მიღებული ცოდნის გასამტკიცებლად ბავშვები ნახავენ გახმოვანებულ ისტორიას,
რომლის გაგრძელებაც ონლაინ-თამაშის სახით არის შესაძლებელი (იხილეთ თამაში).
ამავე დროს ბაშვებს ანბანის სამ ასოზე წარმოდგენილი პერსონაჟების გაფერადებაც შეეძლებათ. (იხილეთ გააფერადე).
პროექტი ინტერნეტ-სივრცეში ამა წლის 18 მარტს გაეშვა და მან საზოგადოების მხრიდან ძალიან კარგი გამოხმაურება ჰპოვა (იხილეთ ბმული).
"ცოდნის მხიარული სამყარო" გააშუქა: საპატრიარქოს ტელევიზია "ერთსულოვნებამ",
„პირველმა საზოგადოებრივმა“
და „იმედის“ ტელევიზიამ.
აგრეთვე მან მაღალი შეფასება მიიღო სრულიად საქართველოს კათოლიკოს-პატრიარქის ილია II-ის საერთაშორისო საქველმოქმედო ფონდისა (იხილეთ ბმული) და დავითთიანის ფსიქოლოგიური ცენტრის მიერ (იხილეთ ბმული).
ჩვენი გუნდი მაღალი დონის პროფესიონალებით არის წარმოდგენილი (იხილეთ ჩვენი გუნდი) და პირველი გადაცემა ჩვენ საკუთარი რესურსებით შევქმენით.
პროექტი განსაკუთრებით საქართველოს ფარგლებს გარეთ მცხოვრები ჩვენი ბავშვებისთვის იქნება აქტუალური!
"ცოდნის მხიარულ სამყაროზე" თაობები გაიზრდებიან და იგი დადებითი მუხტი გახდება მათი ცხოვრების საწყის ეტაპზე.
საქველმოქმედო ორგანიზაცია „საბავშვო არაფორმალური განათლების ცენტრი“ (საიდენტ/კოდი: 404918675)
მობ: 571 51 21 21 Email: codna.ge@gmail.com
